مسح حسابك في أجرلي

آخر تحديث: ١٥ أكتوبر ٢٠٢٦

تقدر تمسح حسابك في أي وقت، ومن غير ما تدّي أي سبب.

الطريقة الأولى: من التطبيق (الأسرع)

افتح تطبيق «أجرلي» وادخل بحسابك.
روح لـ «حسابي» من الشريط اللي تحت.
انزل لتحت خالص، ودوس «مسح حسابي».
اكتب كلمة «امسح» في الخانة عشان تأكد، ودوس «امسح حسابي نهائياً».

الحساب بيتقفل على طول، ومش هتقدر تدخل بيه تاني.

الطريقة التانية: بالإيميل (لو مسحت التطبيق أو مش قادر تدخل)

ابعتلنا رسالة على ajarli.platform@gmail.com من نفس الإيميل المسجّل بيه في أجرلي، وعنوان الرسالة «مسح حسابي». هنمسح حسابك خلال ٧ أيام بالكتير، ونرد عليك نأكدلك.

إيه اللي بيتمسح؟

اسمك ومنطقتك ومكانك وتخصصك.
صورة البطاقة وصورة السيلفي، وبيانات الرقم القومي.
أدواتك وصورها، وطلباتك («اطلب حاجة») وعروضك.
عنوان الإشعارات بتاع موبايلك.

إيه اللي بيفضل؟ وليه؟

سجل الإيجارات القديمة والتقييمات بيفضل عند الطرف التاني، بس اسمك بيظهر «مستخدم محذوف». ده عشان حق الطرف التاني وتقييماته ميتأثروش.
الرسايل القديمة بتفضل في محادثة الطرف التاني، باسم «مستخدم محذوف».
فيديوهات وصور التسليم بتتمسح أوتوماتيك بعد ١٥ يوم من رجوع الأداة.
لو حسابك كان محظور بسبب مخالفة، بنحتفظ ببصمة متشفّرة من الرقم القومي (مش الرقم نفسه)، عشان نمنع إنك تعمل حساب جديد.

قبل ما تمسح

لو عندك إيجار شغال (أداة مع حد أو مع حد أداتك) أو نزاع مفتوح، لازم يخلص الأول.